موقعي مب شغال هل من ...

[الفلاسي]

السلام عليكم

كيف الحال أخواني ..؟

عندي سؤال بخصوص الموقع عندي مب شغال

من يومين يعطيني The page cannot be displayed

فـا أبا أعرف هل هذا من الاستضافه أو من شوه

مع أني أعرف شباب وبعغد مواقعهم نفس الشي فاياليت تخبروني

شوه السالفه ...

طبعاً سؤالي بخصوص الاستضافات هل فيها مشكله والا شي ...

أعتقد الموضوع في المكان الصحيح

تحياتي لكم

[عبقر]

السلام عليكم

عطني عنوان موقعك واكد لك منك ولا من المستضيف العطل

او انت بنفسك جرب في

http://www.alertra.com

راح يتصل على موقعك من ست او سبع دول اذا كلها اعطائها خطاء معناته السيرفر نفسه عطلان

اما اذا كلهم اعطاهم ok المشكلة منك او من دولتك او مزود الانترنت تبعك

[الفلاسي]

مرحبا أخويه عبقر مشكورو على مرورك

بعد ماكتبت الموقع وضغطت

طلعلي تقريباً 8 دول

بس كلهن ( أيرور )

اوكيه إذا السيرفر عطللان

هل هيه مشكله مؤقته ..؟

تحياتي لك

[عبقر]

مادام كلهم اعطوا ايرور فالسيرفر متوقف

لازم تكلم مستضيفك لانه انت كتبت اول مره الساعة 1:44 الفجر والان 12 الظهر يعني تقريباً 11 ساعة عطلان وهذا وقت طويل جداً جداً

لازم المستضيف يشوف حل بسرعه او انقل عنه

عموماً قبل ماتستبق الاحداث اتصل بالدعم الفني للمستضيف واطلب توضيح منطقي لهذا التوقف الطويل

[الفلاسي]

مرحبا اخويه عبقر

الحينه الموقع عطلان من ثلاث أو أربع أيام

ياليتها جت على الـ 11 ساعه كانت هينه

والله ماعرف شوه اسوي والدعم الفني مختفين

الله كريم بنتظر يومين واذا شفت نفس الوضع بنقل ان شاءالله

مع السلامه

[Google]

ثلاث أيام وقت طويل

تأكد من عدم وجود ملف معطل او مفقود او خطأ معين في اعداداتك

لا يشترط ان يكون من المستضيف

تقبل تحياتي ،،

[الفلاسي]

مرحبـاا أخويه ( Google )

لو كانت من الاعدادات أعتقد وايد مواقع مابتفتح عندي

بس كل مادخل موقع يفتح وتمام ... إلا لما احاول ادخل على موقعي و موقع المستضيف ..

تحياتي لك

[Bug]

إلا لما احاول ادخل على موقعي و موقع المستضيف ..

موقع المستضيف واقف ثلاث ايام :shock:

اعانك الله وقعت مع واحد من النصابين !! وياكثرهم خصوصاً بين العرب

ياخذ ريسيلر يحسب السالفه لعبه وبعد كم شهر تضيق عليه وينحاش

لاتضيع وقتك وعسى عندك باك اب للموقع وانقل الان وقل ماقلته ماله رجعه بعد توقف ثلاث ايام :|

[الفلاسي]

مرحبا أخويه ( Bug )

بنقل اليوم إن شاءالله

والله يعوض عليه

ومشكور على المرور

تحياتي لك

[Windows]

لاحول ولاقوه الا بالله العلي العظيم

الله يعوضك خير اخي العزيز

ان شاء الله ماتكون دافع سنة مقدم ! ويكون عقدك شهر بشهر