هل انت من النوع الي كل ماشفت سكربت هنا بتقول اريد شرح مصور ؟؟
اذا اسمحلي اقول كان الله في عونك راح تتعب في حكاية تطوير وإدارة المواقع..
انت مسكين منتديات بوابة العرب والمشاغب وماشابهم الي مايصدقون برنامج ينزل الا وصوره وشخبطوا عليه وقاموا يشرحون افسدوا عليك وعودوك على عاده مقيته !!!
صدقني مافيه مطور او مدير موقع فاضي يجلس يصور لك كل سكربت ويقعد يشخمط ويشرح عليه
هذي ناس عندها مواقع وعندها اشغال وجزاهم الله خير يعطونك من وقتهم ويدلونك على السكربتات والمفروض تحاول تفهم شرح التثبيت الي يكتبة المبرمج حتى لو كان بالانجليزية..
ماتفهم انجليزي مو مشكلة ممكن الواحد يعطيك من وقته ويشرح لك التثبيت بالعربي !!
اما يجلس يصور !!! صدقني انسى !! وحاول تلقطها وهي طائره ولا طارت وجلست مكانك !!!
انت الان كبرت ودخلت عالم الويب فلا تجلس على ماتعودت عليه في منتديات المبتدئين المنتديات العامه منتديات الشرح والبرامج وغيرها
اكبر !! كبر عقلك !! طور مهاراتك !! والقطها بسرعه لاتفوتك !!!! في الويب الناس تركض ركض واذا وقفت وكلمتك فجزاها الله خير لكن لا تتصور انها توقف وتكلمك وتصور لك وتشخمط لك وترفع صور وتدرج صور !!! في هذا الوقت يعني الوقت الي يستغرق التصوير والشرح ورفع الصور يكون الواحد منهم سوا له موقعين على الاقل
وترا الموضوع مو صعب هو بس عقلك تعود انه مايفهم من القرائة بل يفهم من الصور لكن ممكن تصلح الوضع وتعود عقلك على القرائة بدل مطالعة الصور !!!
تذكر يوم كنت في المرحلة الابتدائية وخصوصاً سنة اولى والحضانه كان كل شي عشان تفهمه لازم تشوف تصوير ورسومات له..لكن لما كبرت شوي
خلاص عقلك ممكن يرسم صوره خياليه من الكلام الي جالس يقرائة !!!! يعني المسئلة تعود فقط !! فعود نفسك بسرعه على فهم الشي بمجرد قرائته !!!
هذي نصيحتي لكل مبتدى !!!!
يعني اجلس انت اشتغل على الصور 
